Marami ang mabuting naidudulot ng pagkakaroon ng trabaho, isa na rito ang pagkakaroon regular na pagkukunan ng sapat na salapi upang makabili ng mga pangangailangan upang mabuhay tulad nalamang ng mga pagkain at mga damit na kailangan ng isang indibidwal sa pang araw-araw na pamumuhay.
Ang pagkakaroon ng trabaho ay nangangahulugan na may naiiambag ka para sa iyong lipunan sa pamamagitan ng pag babayad ng buwis na kung saan na ang mga salapi na malilikom mula rito ay gagamitin ng pamahalaan para sa pagbuo ng mga proyektong imprastraktura halimbawa na lamang ay mga pampublikong paaralan, mga ospital, mga pampublikong palikuran, mga kalsada, mga tulay at marami pang iba. At ang iba pang pondo na mula sa mga buwis ng tao ay pinaghahati sa bawat sangay at departamento ng pamahalaan para sa iba pa nitong mga proyekto at mga natitira pang salapi ay ginagamit ng gobyerno para sa mahihirap natin na kababayan na kung saan ay kinakailangan nila ng suportang pinansyal mula sa pamahalaan. Kaya mula sa mga ito, masasabi natin na marami talaga ang mabuting naidudulot ng pagkakaroon ng trabaho.
