Panuto: Basahing mabuti ang bawat pahayag. Isulat sa patlang ang TAMA kung ang isinasaad ng pangungusap ay nagpapakita ng pagmamahal sa Diyos sa pamamagitan paggawa nang mabuti sa kapwa at MALI kung hindi. Isulat ang sagot sa sagutang papel. 1. Si Pio ay araw-araw nagdarasal at nagpapasalamat sa Diyos kaya lalong lumalalim ang kaniyang pananampalataya. 2. Maayos na inaalagaan ni Marie ang kaniyang mga alagang hayop dahil naniniwala ito na ito ay likha ng Maykapal. 3. Si Jose ay laging tumutulong sa mga gawaing bahay. 4. Ang kumpanya nila Emerson ay nagpuputol ng mga punongkahoy at sumisira ng mga halaman. 5. Ang pamilya nila James ay sumasambit ng dasal ng pasasalamat bago kumain. 6. Si Aira ay nagdarasal sa lahat ng pagkakataon. 7. Si Joy ay nagpapakita ng paggalang sa opinyon at paniniwala ng ibang tao tungkol sa Diyos. 8. Bilang pasasalamat sa Diyos, nagbahagi at nagbigay ng mga damit at pagkain sa mga taong nasunugan sina Cristen at Nicole. 9. Si Joseph ay nag-aaral nang mabuti para sa magandang kinabukasan. 10.Si Maika ay palaging naglilinis ng buong bahay para maiwasan ang sakit at upang maipakita ang pagpapahalaga sa buhay na biyaya ng Diyos.
