Kailangan matutunan ang pag-aayos ng file o dapat kang magkaroon ng sistema ng file management upang maiwasan ang pagkawala ng mga files, upang hindi mapaghalo-halo ang mga ito, at upang hindi maaksaya ang oras mo sa paghahanap dito.
Ang pagkakaroon ng organisadong sistema ay nakapagdudulot ng maraming mabuting benepisyo. Bukod sa nabanggit sa itaas, maaari ka ring makaiwas sa stress kung maayos ang sistema ng files mo. Dagdag pa rito, madali mong makukuha o mahahanap ang kailangan mo.
Ang file management ay maaaring tumukoy sa mga bagay na pisikal at digital. Sa panahon natin ngayon, halos lahat na ang gumagamit ng electronic filing. Kaya sa ibaba ang ilan sa mga paraan kung paano maayos ang iyong electronic files:
Pumili ng isang lugar kung saan nakalagay lahat ng files, ito ang magsisilbing "central folder" o "main folder"
Sa loob ng iyong main folder, gumawa ka ng "sub folders"
Magkaroon ng sistema ng pagpapangalan sa iyong files na madali ring maiintindihan ng mga kasama mo
Maging specific sa paglalagay ng pangalan ng files
Magkaroon lagi ng backup
Ang pagkakaroon ng kasanayan sa pag-aayos ng files ay makatutulong sa iyo bilang empleyado at sa mga kasama mo kung ina-access din nila ang mga files na ito. At ang organisadong sistema ay makabubuti tungo sa produktibong pagtatrabaho.
