Gawain sa Pagkatuto Bilang 1 Pagsusuri ng sitwasyon Panuto: Bilugan ang titik ng napiling sagot. 1. Hinahangaan ni Jay si Danny sa taglay niyang kagalingan sa pamumuno. Nang si Danny ang naging lider ng kanilang grupo, lahat ng sabihin ni Danny ay kaniyang sinusunod at ginagawa ng walang pagtutol, kahit pa minsan ay napapabayaan na niya ang kaniyang sariling pangangailangan. Ang kilos ni Jay ay nagpapakita ng ? a. katarungan B. kasipagan c. pagpapasakop d. pagsunod 2. Nag-iisang itinataguyod ni Aling Fely ang kaniyang tatlong anak. Maliliit pa lamang ang kanilang mga anak ng siya ay maging biyuda. Panatag siya dahil alam niyang napalaki niya ang mga ito ng maayos. Subalit may pagkakataon na nangangamba siya dahil sa mga teenager na sila. Mas mapatatag nila ang kanilang samahan sa pamamagitan ng ? a. sama-samang pagkain tuwing hapunan at pamamasyal isang beses isang linggo. b. pagkukumustahan kapag nagkakasama-sama o gamit ang cellphone / email kung nasa malayong lugar. c. pagkakaroon ng mga alituntuning dapat sundin sa tahanan tulad ng pag-uwi ng maaga , d. pagkakaroon ng bukas na komunikasyon at malalim na pag-unawa sa kalagayan ng bawat isa. 3. Kilala ang pamilya nina Vangie sa pagbibigay ng halaga sa edukasyon. Kahit na ang kanilang mga magulang ay hindi nakatapos ng pag-aaral, sinisikap nila na maitaguyod silang apat na magkakapatid. Ngunit siya ay kinakikitaan ng ibang mga kasapi ng pamilya ng kawalan ng pagpapahalaga sa pag-aaral ayon sa isinasaad ng mga marka nito sa iba't- ibang asignatura. At kapag pinaaalalahanan siya ng kniyang magulang, hindi nagiging maganda ang reaksiyon ni Vangie. Ano ang nararapat na gawin ng mga kasapi sa ganitong sitwasyon? a. Ipaunawa kay Vangie ang kahalagahan ng edukasyon sa bawat pagkakataon. b. Kausapin si Vangie at bigyan ng inspirasyon upang mapataas ang kaniyang marka. Nasa lahi nila ang pagiging magaling. c. Siyasatin ang mga dahilan kung bakit mababa ang mga marka ni Vangie. Kumilos ng ayon sa mga natuklasang dahilan. d. Isa-alang alang ang kakayahan at pagiging bukod-tangi ni Vangie.​