0 1.5 IKAANIM NA LINGGO Basahin ang maikling kwento at ibuod ito sa pamagitan ng pagsagot sa mga tanong na nasa ibaba. Ang Uhaw na Uwak Sa isang bukid noong unang panahon, may isang uwak na uhaw. Kinakailangang matighaw ang kanyang labis na pagkauhaw Kaya't siya ay nagpasyang maghanap ng tubig. Nakakita siya ng banga ng tubig. Subalit kakaunti na lamang ang laman nito at hindi maabot ng kanyang tuka ang tubig. Sinubok niyang ipasok ang tuka sa makipot na bibig ng banga ngunit hindi pa rin niya maabot ang tubig. Nakatiyad na siya't lahat-lahat ngunit hindi pa rin siya makainom. Naisip niya, “Alam ko na. Lalagyan ko ng maraming bato ang banga." At yaon nga ang kanyang ginawa. Tumaas ang tubig sa banga Sa wakas nakainom din ang uhaw na uhaw na uwak. Bulong ng uwak sa sarili, “Kailangang mag-isip ng iba't ibang paraan sa paglutas ng suliranin. 1. Saan nangyari ang kwento? 2. Kailan nangyari ang kwento? 3. Sino ang tauhan? 4. Ano ang sitwasyon ng uwak? 5. Ano ang kanyang napagpasyahan? 6. Ano ang nangyari sa tubig sa banga? 7. Ano ang natutuhan ng uwak sa kanyang karanasan?​