DAKILANG PAGMAMAHAL NGA BA? ni: Ruth A. Datahan Hulo Integrated School Isang drayber si Mang George, isang haligi ng pamilya. Ginugol niya ang kaniyang oras sa pagtatrabaho, na kahit ang pag-aalmusal kasama ang kaniyang mag-iina ay hindi na niya magawa. Nag-aaral si Mang George sa gabi dahil gusto niyang makapagtapos upang makahanap ng trabaho na may magandang sahod. Palaging nagrereklamo ang pamilya ni Mang George sa kanya dahil wala na itong oras para sa kanila, "Ginagawa kong lahat para sa inyo, nagsusumikap ako para sa pamilya natin" ito ang tanging sagot ni Mang George. Hindi naglaon, pagkatapos pumasa ni Mang George sa eksam, nakahanap siya ng magandang trabaho na ang sahod ay mas mataas kaysa sa una niyang hanapbuhay. Naibibigay na ni Mang George ang pangangailangan ng kaniyang pamilya, mamahaling kasuotan, magagarang kagamitan at kahit ang pagbakasyon sa ibang bansa ay nagagawa na nila. Parang isang panaginip na nagkatotoo, ngunit ang mag-ina ay hindi pa rin makakuha ng atensyon mula kay Mang George, patuloy siyang nagtatrabaho araw man o gabi at kadalasan hindi niya palaging nakikita ang kanyang mag-ina sa loob ng isang linggo. Lumipas ang ilang taon, ang pagsisikap ni Mang George ay napalitan ng promosyon. Nakapagdesisyon siyang pagpahingahin na ang kaniyang asawa mula sa mga gawaing bahay kaya humanap siya ng katulong. Nakapagdesisyon din siya na kailangan nila ng mas malaking bahay dahil ang kasalukuyang tinitirhan nila ay masikip para sa kaniyang pamilya. Kaya kailangan pa niyang magtrabaho para sa pinapangarap na bahay. Ipinagpatuloy rin niya ang kanyang pag-aaral, para sa muling promosyon. Dinagdagan lalo ni Mang George ang kaniyang pagsisikap sa pagtatrabaho, na minsan kahit sa araw ng Linggo, Sa halip na asawa at mga anak ang kanyang kasama iginugugol na rin niya sa kanyang kliyente. At muli, sa tuwing tinatanong siya ng kaniyang pamilya sa oras at panahon para sa kanila ang tanging sagot na lamang niya ay "Para sa inyo ang lahat ng ginagawa ko". Sa muling pagkakataon, tumaas na naman ang ranggo ni Mang George dahilan upang makabili na siya ng maganda at malaking bahay na may nakikitang magagandang tanawin. Sa unang Linggo ng gabi sa kanilang bagong bahay, sinabi ni Mang George sa kaniyang asawa at mga anak na ititigil na niya ang kanyang pagaaral at babawasan na ang kanyang oras sa pagtatrabaho upang maglaan ng oras at panahon para sa kanyang minamahal na pamilya. Subalit kinabukasan, hindi na nagising si Mang George.
pa help po need ko na ngayon plssss deadline na po
