Wika
Ang wika ay tumutukoy sa mga pangkat ng salita na ginagamit natin sa pakikipagtalastasan. Ang pinagmulan ng mga salita sa isang wika ay arbitraryo o walang sinusunod na pamantayan. Gayunpaman, ang pagsulat, pagbuo, at pagasasalita nito ay mayroong sinusundang syntax. Ang Ingles, Filipino, Japanese at Chinese ay mga halimbawa ng wika na sinasalita sa Asya.
Ang ilan sa mga katangian ng wika ay ang mga sumusunod:
Arbitraryo
Sinasalita
Tunog
Kahalagahan ng wika
Ang wika ay mahalaga sa isang pamayanan sa sumusunod na kadahilanan
Ito ay gamit sa pakikipagtalastasan
Ito ay gamit upang maipahayag ang sarili
Ito ay gamit upang magkaroon ng pagkakaunawaan
Ito ay gamit upang magkaroon ng kaunlaran ang isang lipunan
Gamit sa pakikipagtalastasan
Sa pamamagitan ng wika ay nagkakaroon tayo ng pagkakataon na makiusap at makipagtalastasansa ating mga kapwa mamamayan o mga kababayan. Ang komunikasyong ito ang karaniwang unang hakbang upang maitaguyod ang kabutihan ng isang lipunan.
Ito ay gamit upang maipahayag ang sarili
Ang wika ang isa sa mga paraaan upang maipahayag natin ang ating sarili sa iba. May mga bagay na madadaan lamang sa salita at wika ang siyang pumupuno sa pangangailangang ito.
Ito ay gamit upang magkaroon ng pagkakaunawaan
Dahil sa wika, nagkakaroon ng pagkakaunawaan ang mga mamamayan. Isipin na lang natin na kung walang wika, mahihirapan tayong ipahayag ang mga bagay o plano na mayroon tayo para sa ating lipunang kinabibilangan. Ang wika ang tulay sa pagkakaroon ng pagkakaintindihan sa bawat mamamayan.
Ito ay gamit upang magkaroon ng kaunlaran ang isang lipunan
Sa pamamagitan ng wika, nagkakaroon ng komunikasyon ang mga tao at nagiging produktibo ang mga mamamayan. Kapag produktibo ang mga tao, gaganahan silang gumawa at kumilos para sa ikabubuti ng buong pamayanan.
Ang wika ay isang mahalagang instrumento sa isang lipunan upang magkaintindihin. Tinutulungan ng wika ang mga tao sa isang lipunan na magkaroon ng pagkakaisa at maging produktibo ang mga mamamayan sa isang lipunan. Ang wika ang nagsisilbing tulay ng komunikasyon dahilan kung bakit nagkakaugnay-ugnay ang mga tao at nagkakaroon ng malayang paghayag ng kanilang saloobin at damdamin. Sa tulong ng wika, naibabahagi natin ang ating kaalaman sa iba at natututo tayo mula sa iba. Ang lipunan ay magiging maunlad at produkto kung mayroong mabisang wika na ginagamit. Maging mapanuri tayo sa paggamit ng wika upang maiwasan ang mga maaring masamang dulot nito sa ating lipunan.
ano ang wika
brainly.ph/question/24049488
#LETSSTUDY
