Subukin Gawain 1 Panuto: Tukuyin kung ang sitwasyon ay nagpapakita ng pagdamay sa kapuwa o hindi. Isulat ang P kung Pagdamay at HP kung Hindi Pagdamay. 1. Nagtago ka nang makita mong uutusan ka ng iyong Tatay. 2. Pinagtawanan mo ang bata na nadulas sa pasilyo ng paaralan. 3. Lumapit ka at iniabot mo ang laruan ng iyong kapatid na nakalagay sa itaas ng kama. 4. Nakipaglaro ka sa isang bata na nakita mong nag-iisang nakaupo. 5. Binasag mo ang pasong ginawa ng isa mong kamag-aral dahil galit ka sa kaniya. 6. Tinulungan mong magbungkal ng lupa ang isa mong kamag-aral sa dahil hindi niya alam kung paano ito gagawin. 7. Tumanggi kang tumulong na makipag-away sa kaaway ng kapatid mo. 8. Pinagsabihan mo ang kaibigan mo na nakipagtalo sa kapuwa ninyo mag-aaral. 9. Tinulungan mong itulak ng iyong kaibigan ang inyong kamag-aral habang hindi nakatingin ang inyong guro. 10. Sinamahan mong manonood ng concert ang iyong kaibigan kahit alam mong may pagsusulit kayo kinabukasan.
