Pagbibigay ng Paksa Ang bawat kwento, usapan, talata at dokumentaryo ay may nakapaloob na paksa o pangunahing diwa. Sa pagbibigay ng paksa, basahing mabuti ang teksto upang maunawaan ang kaisipang taglay nito. Mahalaga rin na malaman kung sino at ano ang pinag-usapan sa teksto upang lubos itong maiintindihan. Ang paksa ay ang nagsasabi kung tungkol saan ang isang teksto at ano ang nais ipahatid ng teksto. Ito ay matatagpuan sa unahan, gitna o hulihan ng isang kwento, talata o usapan. Pagbibigay ng Mahahalagang Pangyayari Ang talaarawan ay tala ng mga pangyayari sa bawat araw ng isang tao. Ang talambuhay naman ay ang paglalahad ng mga pangyayari sa buong buhay ng isang tao.. Ang dokumentaryo ay isang programa sa radyo, telebisyon at maaari ding pelikula na nagsisilbing libangan. Gumigising din ito sa diwa at damdamin ng isang tao kapag naging mabisa ang pagkakalahad nito. Napapabago rin nito ang pananaw, saloobin at prinsipyo ng isang tao. Tumatalakay ito sa mga isyung panlipunan, pang- espiritwal, pangkultura, pang-edukasyon at marami pang iba. B. Mga Pagsasanay Pagsasanay 1 Panuto: Basahin ang mga sumusunod na talata. Piliin ang paksa at isulat ang titik ng tamang sagot sa patlang. A. Ang iba't ibang kahulugan ng bawat kulay B. Ang araw ng kasal ni Eloisa C. Ang paboritong pinakbet ni Lola D. Ang pagkagiliw ng lahat sa palakaibigan na bata E. Ang kalusugan na hindi pinahahalagahang alagaan ng karamihan 1. Paboritong luto ng Lola ang pinakbet. Ito ang karaniwan niyang niluluto tuwing dadalaw kami sa kanila. Pumipitas siya ng mga sariwang talong, sitaw, kamatis, at kalabasa sa kanilang likod-bahay. Iginigisa niya ito sa hipon at baboy. Lalong sumasarap ang pinakbet kapag hinahaluan ng kaunting bagoong. boy 2. May mga taong nagpupuyat lagi at kulang sa pagtulog. Mayroon din mga taong kung ano ang ipinagbabawal na pagkain ay siya pa ring gustong kainin. May iba pang nagugumon sa pag-inom ng alak at mapanganib na mga gamut. Hindi nila nadarama ang kahalagahan ng kalusugan hangga't di ito nawawala sa kanilang buhay
