1. Ang Islam ay ang Relihiyong pinili ni Allah para sa lahat ng tao. Ito ay naaangkop sa bawat panahon at lugar.
2. Na ito ay naglilinaw sa simula ng tao at sa wakas niya, at sa layunin na dahil doon ay nilikha siya. Ipinaliwanag sa kanya ang daan na kinakailangang tahakin sa buhay na ito at nililinaw nito ang mga bagay na kinakailangan ng tao na iwasan at pag-ingatan.
3. Na ito ay nagpapahalaga sa isip, nag-uutos sa pag-iisip-isip, at pumupula sa kamangmangan, bulag na pagsunod at pagpapabaya sa matinong pag-iisip.
4. Ang Islam ay Teolohiya at Batas. Ito ay kumpleto sa Teolohiya nito at mga batas nito. Ito ay hindi relihiyong pang-isipan lamang, bagkus ito ay kumpleto sa bawat bagay, naglalaman ng mga tamang paniniwala, mga matalinong pakikipag-ugnayan, at mga magandang kaasalan. Ito ay relihiyon ng isang indibidwal at isang lipunan at relihiyon ng Mundo at Kabilang-buhay.
5. Na ito ay nagpapahalaga sa mga damdaming makatao. Itinutuon ng Islam ang mga ito sa tamang dako na gagawa sa mga ito bilang kasangkapan ng kabutihan at kaunlaran.
