Answer:
kalinisan ng kapaligiran
Mga biyaya ng Panginoon ay magaganda
Pinakamahalaga sa lahat ay ang kapaligiran
Ako’y may sasabihin bilang isang makata
Para sa hinaharap, dapat ito’y alagaan
Ang simoy ng hangin at mababangong bulaklak
Kung titignan, tayo’y siguradong magagalak
Ang matatayog na puno at luntiang halaman
Matuturing natin na likas na yaman
Dahil sa kalat at polusyon, ito’y nasisira
Ang mga daan ay napupuno ng basura
Ano na ang mangyayari sa kinabukasan?
Paano maayos ang ganitong kalagayan?
Dapat nating linisin ang kapaligiran
Para maligtas sa panganib ang Inang Bayan
Sa atin, nagsilbi siyang isang kaibigan
Na sinasabing mahirap tayong paalalahanan
Gumawa na tayo ng paraan, kaibigan!
Magkaisa upang isalba ang ating tahanan
Tayo’y magpakita ng disiplina at pagkakaisa
Bago mahuli ang lahat at ito’y tuluyang masira
