Bagong Bahay, Bagong Pag-asa!

ni: Janice D. Reyes

Masayang-masayang tinitingnan nina Xander at Janna ang bago nilang

nilipatang bahay sa Malolos, Bulacan. Malayong-malayo kasi ito sa

pinanggalingan nilang barong-barong sa tabi ng malaking estero sa Marikina.

Wala sila ritong nakikitang mga basura at walang masamang amoy sa kanilang

paligid. Sa halip ay may maliit pa silang bakuran sa harap at likod ng kanilang

bagong bahay. Pwede silang magtanim ng mga gulay at halamang

namumulaklak.

Kahit na maliit ang kanilang bagong bahay ay malinis at maayos ito. At

ang pinakamahalaga ay sa kanila na ito. Maraming planong gawin sina Xander at

Janna sa kanilang bahay at bakuran. Sila ay kabilang na sa mga pamilyang may

magandang hinaharap at may maayos na tinatahak. Nakakatuwa pa dahil

tulong-tulong ang mga tao sa pook na ito

1. Bakit masayang-masaya sina Xander at Janna sa bago nilang nilipatan?

A. mas marami silang kapit-bahay rito

B. mas maraming tao rito kaysa sa pinanggalingang lugar

C. mas malinis ito kaysa sa pinanggalingang lugar

D. mas maliit ito kaysa sa pinanggalingan nila


2. Kung maganda at malinis ang kapaligiran, ano ang nagiging epekto nito sa

mga tao?

A. wala silang pakialam

B. nagkakaroon sila ng kasiglahan

C. nawawalan sila ng kasiglahan

D. nagkakaroon sila ng kapitbahay


3. Ano kaya ang ginawa ng magkapatid sa kanilang bakuran?

A. nagtanim sila ng mga gulay at halaman

B. tinambakan ito ng basura

C. ginawa nilang laruan

D. ginawa nilang sampayan ng mga damit


4. Kung sila ay nakapagtanim na ng mga gulay at halaman. Anong kapaligiran

mayroon sila?

A. magiging tigang ang lupa

B. sisikip ang kanilang bakuran

C. mabahong lugar

D. malayo sa polusyon

5. Bakit kaya labis ang katuwaan nina Xander at Janna sa bago nilang

nilipatang bahay?

A. Malawak ang kanilang mapaglalaruan.

B. Kahit maliit ang kanilang bahay ay sarili na nila ito.

C. Marami silang kapitbahay.

D. Malaya silang makipagkuwentuhan sa mga tao.​