Tuklasin
Gawain 2: Repleksyon; Malasakit sa Kapwa
Panuto: Basahin ang deskriptibong sanaysay tungkol sa buhay ng isang
pamilyana kinilala sa pagbibigay tulong at pagnilayan ang mga gabay na
tanong.
Pagtulong: Repleksyon sa Isang Huwarang Pamilya
Ni: Rashiel Joy F. Lepaopao
Iba-iba ang pamamaraan ng tao sa pagpapakita ng malasakit sa kapwa.
Maaaring sa paraan ng pagbibigay tulong moral, pinansyal, mga kawang-gawa,
fund raising at kahit sa simpleng pag-abot ng ulam sa kapitbahay.
Ang pamilya ni Rudy Cruz ay isa sa mga pamilyang Pilipino na may katangi-
tanging paraan ng pagbibigay ng tulong mula sa pagpaplano hanggang sa
pagbabahagi nito sa kapwa. Bakit ito natatangi?
Naging modelo ng mga anak ang kanilang ama sa pagbibigay ng tulong. Si
Mang Rudy ay likas ang pagtulong sa kapwa, kilala sa pamimigay ng libreng
almusal sa mga taong nasa lansangan na dumaraan sa kanilang karenderya. Ito
ay panata niya bilang isang tao na naghikayat naman sa bawat kasapi ng kanilang
pamilya na maglalaan ng 5% sa kanilang sahod at bago matapos ang taon, sa
buwan ng Disyembre ay mamahagi ang pamilya ng pamaskong handog sa kanilang
barangay.
Maliban sa kawang-gawa ng buong pamilya, nagbigay rin ang tatlong anak
ni Mang Rudy ng tulong sa mga nangangailangan.
Si Jenny na panganay na anak nito ay mayroong scholarship grant sa piling
anak ng mga pamilyang naghihirap. Bawat pasukan ay mayroon itong 20 scholars.
Sa kasalukuyan, may napagtapos na itong 10 kabataan na nagtatrabaho na rin at
nakatutulong sa kani-kanilang pamilya.
Nagbigay naman ng trabaho sa kanyang kababayan ang pangalawang anak
ni Mang Rudy na si Joey na tagapamahala ng isang construction firm. Sa ganitong
paraan, nagsilbi itong instrumento upang maging responsableng haligi ng tahanan
ang mga amang naipasok niya ng trabaho sa pamamagitan ng kakayahan nitong
matustusan ang pangangailangan ng kanilang pamilya.​