Explanation:
ANG KAARAWAN NI ELLAH
Naaalala ko pa ang kaarawan ng bunsong kapatid ng aking kaibigan. Nakadalo ako roon dahil magkakaibigan din ang mga magulang namin.
Si Ellah ang kapatid niya. Mag-iisang taong gulang siya noon. Idinaos sa gilid ng kanilang bahay ang kaarawan. Puno ng lobo ang paligid ng pinagdausan. Mga kulay rosas at asul ang lobo. Maraming pagkain na paborito ko gaya ng ispageti at chicken joy. Ang kanyang cake ay tatlong bahagdan na kulay rosas gaya ng kanyang damit. Maraming tao lalo na mga bata. May pabitin kung saan maraming ibinitin na kendi, biskwit, laruan, juice at tsitsirya sa patpat ng kawayan. Nag-aagawan sa pagtalon ang mga bata tuwing ibinababa ito.
Masayang-masaya ang lahat sa kaarawan ni Ellah. Umuwi akong may baong mga matatamis.
