11

Gawain 4: Istorya ko, Aral Mo

Suriin ang mga sitwasyong sinipi mula sa kuwento ni Andrea na nabasa sa

bahaging Tuklasin. Isulat ang sagot sa mga katanungan sa sagutang papel.

Sitwasyon 1:

Napansin ng kaniyang guro na nakatulala si Andrea, agad itong lumapit at

nagtanong, “Andrea, may problema ka ba?” “Wala po ma’am” tugon nito at umalis

na.

Labis ang pagtataka sa isip ng guro kaya’t tinawagan niya ang magulang

nito at sinabi ang naobserbahan tungkol sa kaniyang anak.

1. Paano naipakita ng guro ang pagtulong kay Andrea?

Sitwasyon 2:

Kinausap ng ina ang kaniyang anak. Sinabi ni Andrea ang lahat ng

kaniyang problema at saloobin. Nahabag ang ina sa narinig, “Wala man tayong

maraming pera, ginto, dyamante sa buhay ang tanging kayamanan na mayroon

ako ay ikaw lamang anak, ang pamilya ko. Kahit hindi man tayo buo, hindi pa

rin naman mawawala ang pagmamahal at suporta ko sa iyo.” wika ng ina na

nagpahagulhol kay Andrea.

2. Paano ipinadama ng ina ang pagmamahal sa anak?

3. Paano sinuklian ni Andrea ang pagmamahal ng ina?

Sitwasyon 3:

Napagtanto ng anak na kahit wala na ang kaniyang ama, kailangan niya

pa ring ipagpatuloy ang buhay. Kahit ito ay napakahirap may pamilyang handang

umagapay at tumulong sa kaniya. Pamilyang handang magmahal, mag-alaga,

ibibigay ang lahat ng iyong pangangailangan at handang magsakripisyo upang

lumaki nang maayos at may takot sa Panginoon.

“Balang araw masusuklian din ang pagsasakripisyo ng aking ina.

Magsisikap at magtatapos ako ng pag-aaral. Bibigyan ko siya ng maayos at

komportableng buhay. Gagawin ko ang lahat upang maibalik ang dating masaya

at matatag naming pamilya.” saad ni Andrea sa sarili.​