Sagot :
Answer:
Paghahambing: Cupid at Psyche at Wigan at Bugan
tauhan
pangyayari
mensahe
Upang higit na maunawaan ang mga elemento ng kwentong bayan, basahin ang link na ito: brainly.ph/question/478235
Ang mga tauhan sa Cupid at Psyche:
Amang Hari
Apollo
Charon
Cupid
Hades
Jupiter
Mercury
Proserpine
Psyche
Venus
Zephyr
Ang amang hari ang ama ni Psyche na nagtungo kay Apollo upang humingi ng payo mula rito ukol sa pag – ibig ni Psyche.
Si Apollo ang itinuturing na diyos ng araw, liwanag, medisina, musika, at propesiya ng mga Griyego.
Si Charon ang bangkerong nagdala kay Psyche sa palasyo ni Venus.
Si Cupid ang binatang anak ni Venus na inutusan niya upang paibigin si Psyche sa isang nakakatakot na nilalang bilang sukli sa galit na idinulot ng kanyang inggit mula rito.
Si Hades ay kapatid ni Jupiter na hari ng impyerno.
Si Jupiter ang diyos ng ng mga diyos at tao.
Si Mercury ang diyos ng kalakalan.
Si Prosperine ay isang reyna mula sa ilalim ng lupa.
Si Psyche ang magandang prinsesa na pinakabata sa tatlong magkakapatid. Dahil sa angkin niyang kagandahan, nagkaroon ng inggit si Venus na nagbunsod sa kanya upang bigyan ito ng pasakit.
Si Venus ang dyosa ng kagandahan na ina ni Cupid.
Si Zephyr ang hari ng hangin na nagdala kay Psyche sa kanyang palasyo.
Ang mga tauhan sa Nagkaroon ng Anak sina Wigan at Bugan:
Bugan
Wigan
Ngilin
Bumabbaker
Bolang
diyos ng mga hayop
Igat
Buwaya
Pating
Si Bugan ang kabiyak ni Wigan na tila dismayado sa hindi pagkakaroon ng anak.
Si Wigan ang kabiyak ni Bugan na nagmungkahing pag – isipang mabuti ni Bugan ang gagawing paglalakbay.
Sina Ngilin, Bumabbaker, Bolang, at ang diyos ng mga hayop ang nagturo kay Buban ng ritwal upang magkaroon sila ng anak ni Wigan at magkaroon ng masaganang ani.
Ang igat ang unang hayop na nakita ni Bugan at nagtanong kung saan siya patungo.
Ang buwaya ang ikalawang hayop na nakita ni Bugan na tumangging siya ay kainin sapagkat siya ay isang magandang babae.
Ang pating ang huling hayop na nakasalubong ni Bugan at tulad ni buwaya ay tumangging siya ay kainin sapagkat ayon ditto siya ay isang magandang nilalang.
Sa mitolohiyang Cupid at Psyche inutusan ni Venus ang kanyang anak na si Cupid na paibigin ang magandang dalagang si Psyche sa isang nakakatakot na nilalang. Sinunod ni Cupid ang utos ng ina ngunit hindi siya nagtagumpay. Sa kabila nito, humingi ng payo ang ama ni Psyche sa diyos na si Apollo dahil labis itong nag aalala para sa kanyang bunsong anak. Kasabay nito ay sumangguni din si Cupid kay Apollo upang humingi ng payo sapagkat siya ay nagkakaroon ng pagtangi sa dalagang si Psyche. Pinayuhan ni Apollo ang hari na dalhin si Psyche sa tuktok ng bundok upang doon ay makasama ang kanyang mapapangasawa. Nagkasala si Psyche kay Cupid at bilang parusa ay iniwan siya nito. Sinundan ni Psyche si Cupid at ninais na maibalik ito. Pinarusahan ni Venus si Psyche sa kanyang ginawa at binigyan ito ng maraming pagsubok. Kalaunan ay pinatawad ni Venus si Psyche at tinanggap bilang kanyang manugang.
Sa kwentong Nagkaroon ng Anak sina Wigan at Bugan ay nagpasya si Bugan na puntahan ang mga Diyos upang magpaturo ng ritwal na gagawin upang sila ni Wigan ay magkaroon ng supling. Sa kanyang paglalakbay, nakasalubong ni Bugan ang mga hayop na sina igat, buwaya, at pating. Ang bawat isa ay tumangging siya ay saktan sapagkat siya ay isang magandang nilalang. Natupad ang kahilingan ng mag asawa at namuhay ng masagana.
Ang mensahe ng mitolohiyang Cupid at Psyche ay pagtitiwala, pagmamahal, at pagpapatawad na tulad din ng nais ipahiwatig ng kwentong Nagkaroon ng Anak sina Wigan at Bugan.
Upang lubos na maunawaan ang mitolohiyang Cupid at Psyche, basahin ang link na ito: brainly.ph/question/125984
Upang lubos na maunawaan ang kwentong Nagkaroon ng Anak sina Wigan at Bugan, basahin ang link na ito: brainly.ph/question/1506866