Maramihang Pagpipilian: Piliin ang titik ng wastong sagot. Isulat ang mga sagot sa hiwalay na papel.
1. Ipinalaganap sa panahon ni Haring Louis XVI ang pagiging absolutong hari na nakabatay sa Divine Right Theory. Ano ang nakapaloob sa teoryang ito?
A. Itinuring na ang hari ay isang mahinang pinuno.
B. Itinuring na ang kapangyarihan ng hari ay nagmula sa kanilang Diyos.
C. Kinikilala ang kapangyarihan ng Diyos sa pamamahala sa nasasakupan ng hari.
D. Kinikilala na ang hari ay isang makapangyarihang pinuno na kagaya ng kapangyarihan ng kanilang Diyos.
2. Ang lipunang Pranses ay nahahati sa tatlong pangkat na tinatawag na estates. Anong estate ang binubuo ng mga maharlikang Pranses?
A. Unang Estate
B. Ikalawang Estate
C. Ikatlong Estate
D. Lahat ng nabanggit
3. Aling pangyayari ang nagbigay-daan sa paghahangad ng mga Pranses ng pagbabago sa pamahalaan ng France?
A. Pagbagsak ng Bastille.
B. Pagpataw ng kamatayan sa kanilang hari at kaniyang asawa.
C. Paglaganap ng kaguluhan sa France o kilala bilang Reign of Terror.
D. Paglaganap ng mapagpalayang kaisipan ng mga Pranses sa buong Europe.
4. Pinaghinalaan ng mga pinunong rebolusyonaryo na nakipag-ugnayan ang kanilang hari sa mga pinuno ng
ibang bansa sa Europe upang wakasan ang rebolusyon ng mga Pranses. Ano ang naging aksiyon ng mga rebolusyonaryo laban sa kanilang hari?
A. Pinatawad ang kanilang hari sa kaniyang nagawang pagkakamali.
B. Hinayaang mabuhay ang kanilang hari at mamuno sa gitna ng pagtataksil sa bayan.
C. Pinatawan ng parusang kamatayan ang kanilang hari sa pamamagitan ng guillotine kasama ang kaniyang mga tagasunod.
D. Sapilitang pinaalis ang kanilang hari sa kaniyang trono upang maging isang malayang mamamayan
at magtalaga ng bagong hari.
5. Naghangad ang mga Pranses ng pagbabago sa kanilang pamahalaan sa pamamagitan ng marahas na pamamaraan. Alin sa sumusunod na pangyayari ang naging bunga nito?
A. Lumaganap ang kapayapaan sa buong Europe.
B. Humina ang impluwensiya ng pinunong rebolusyonaryo sa bansa.
C. Ibinalik ng mga mamamayan ang dating sistema ng pamamahala sa bansa.
D. Umangat sa kapangyarihan si Napoleon Bonaparte na naging daan sa pagiging imperyo ng France sa Kanlurang Europe.
