sted came sto Learning Activities Inaasahang pagkatapos ng araling ito ay maiuugnay mo ang iyong binasa sa sariling karanasan. Ano nga ba ang kahulugan ng sariling karanasan? Ang sariling karanasan ay sitwasyon kung saan ikaw mismo ay nakaranas ng bagay na tinutukoy. O kaya ay pinagdaanan mo talaga ang bagay na tinutukoy at hindi batay sa imahinasyon lamang o sa buhay ng ibang tao. Mayroong mga karanasan na maihahalintulad natin sa ating nabasa sa iba't ibang uri ng babasahin. Paano nga ba maiuugnay ang ating binasa sa ating sariling karanasan? Basahin natin ang kuwento ng isang batang kahanga-hanga ang katapatan sa kabila ng kahirapan, Si Tinay Bugayon ay isang batang nagsauli ng perang nagkakahalaga ng P300,000 na nahulog sa isang courier. Sa kabila ng kanilang kahirapan, hindi siya nasilaw sa kinang ng pera bagkus nangibabaw pa rin ang kanyang katapatan. Naranasan mo na rin ba ang ginawa ni Tinay Bugayon? Sa palagay mo, tama ba ang ginawa niya? Bakit? Anong kaparehong karanasan ang maiuugnay mo sa binasang kuwento? Sa pag-ugnay ng binasa sa sariling karanasan, maisasagawa mo ito kung naunawaan ang kuwento o tekstong binasa at maihahalintulad mo ang mga pangyayaring naganap sa iyong sariling karanasan. Mahalaga, kung gayon, ang pagkakaroon ng sensitibong kamalayan o pagiging mulat sa mga pangyayaring ating mararanasan upang maibalita natin nang tama at may sapat na detalye ang ating mga nasaksihan. May dalawang uri ng karanasang maaari nating paghanguan ng ating mga kasagutan. Una, ang direktang karanasan o aktuwal na karanasan. Ikalawa, ang indirektang karanasan o vicarious experiences no maaari nating maranasan sa pamamagitan ng pagbabas pakikipanayam, panood ng pelikula, pagsasaliksik at iba pa.
