Gawain 4: Situation Analysis
: Basahin at unawaing mabuti ang mga sitwasyon. Matapos ito ay isulat sa mga bilog sa ibaba ang
mga bagay na sa tingin mo ay nakaaapekto sa pagkonsumo ng mga taong nasa bawat
sitwasyon. Gumamit ng extra sagutang papel kung kinakailangan
1. Hindi maiiwasang mapa-aray ng magkaibigang Cathay at Loreta sa presyo ng pangunahing
bilihin ngayon. Ayon sa kanila, noon ay nakakabili sila ng bulto-bultong pagkain sa grocery pero
dahil sa pagbabago ng presyo ng pangunahing bilihin, napilitan silang bawasan ang bilang ng
binibili nila.
2. Malugod ang mga konsyumer matapos ibalita ng DTI na walang magbabago sa presyo ng
pangunahing bilihin kahit nalalapit na ang Holiday Season. Ngunit ang mga manggagawa sa
isang kompanya sa Maynila ay hindi rin gaanong masaya ukol sa balitang ito dahil bahagyang
binawasan ang kanilang sweldo at bonus dahil sa pagkalugi.
3. Ikinagulat ng marami ang balitang may paparating na malakas na bagyo sa susunod na linggo,
Kaya naman si Sheila ay agad na namili ng mga essential goods gaya ng pagkain at first aid kit
bilang paghahanda sa inaasahang kalamidad.
4. Bahagyang nalungkot si Lito ngayong sahuran dahil sa halip na makabili siya ng minimithi
niyang sapatos ay ipambabayad nya sa utang ang halos kalahati ng kanyang sweldo.
5. Si Jana ay avid fan ng isang K-Pop group sa South Korea, Madalas niyang pinapanood ang
mga commercial at palabas nito sa Youtube. Bilang karagdagang suporta ay nag-ipon pa siya
mula sa kanyang baon at hindi muna gumastos ng malaki upang makabili ng concert ticket ng
grupong ito​