Masama, pero maari rin maging mabuti.
Kadalasan ang mga tao ay nakagagawa nang mali dahil sa isang dahilan: bugso ng damdamin. Nauuna ang kanilang emosyon kaysa sa utak na dapat muna nating gamitin sa mga kilos at pasiya natin.
Ang unang maaring maging epekto nito ay masama. Halimbawa na lamang ay kung galit ang isang tao. Tuwing nagagalit ang tao, parang nawawala siya sa kaniyang sarili, nag-iibang anyo na para bang maaaring makagawa nang masama sa iba, dahil ito sa kaniyang damdamin na hindi na-control o napigilan.
Mayroon din namang mabuti. Halimbawa ay may isang batang pulubi na halos pumayat na dahil walang makain, dahil sa iyong damdamin, naawa ka at binigyan ito. Dahil sa iyong damdamin, nakatulong ka na makakain ang bata.
Ngunit sa dalawang ito, isang damdamin lang ang dapat na mamayani sa mga tao. Dahil kung hindi mo pipigilan ang damdaming makapagpapahamak sa'yo, maari nitong mabago at masira ang sarili mo.
