Hindi na lingid sa ating kaalaman ang kabayanihang ginagawa ni Ms. Angel Locsin sa labas ng kanyang mga pelikula. Matatandaan nating siya ay sumikat bilang Darna na siya 'ring maaaring matanghal pagdating sa tunay na buhay. Bilang isang kabataan, nagsisilbi siyang inspirasyon uoang magsikap nang maigi sa buhay at tumulong sa kapwa. Ang simpleng pag-aaral at pagkakaroon ng pagkain sa mesa araw-araw ay malaking pribilehiyo na para sa ibang tao, lalo na sa mga natamaan ng sakuna. Sa kaalamang ito, nais kong magsilbi sa bayan sa anumang abot ng aking kakayanan. Kahit sa simpleng paraan pa lamang bilang estudyante, titiyakin kong maging kapakipakinabang ako sa pagtulong sa aking kapwa tao gaya ng pagsali sa mga volunteer organizations. Gagawin ko ito, hindi lang sa ngalan ng parangal at pagkilala sa aking mga magagawa, kundi dahil bukal sa aking loob ang pagtulong.
