Gawain 2 Panuto: Suriin kung ang mga bahagi ng akdang nakasulat sa bawat bilang ay nagpapakita ng: A. Suliranin ng Akda B. Kilos at Gawi ng Tauhan C. Desisyon ng Tauhan 1. Nang gabing iyon nagkaroon ng isang piging ang mga pinuno para sa mga bisita ng nayon. Nagsayawan, awitan, salo-salo at walang sawang pagtungga ng alak. Tanging si Lubi lang ang nag-aalala sa kalagayan ng mga tao sa nayon. 2. Ito ang lalaking kababata niya noon na tumutok sa kanya ng bolo at pinalayas siya sa kanyang dampa. Umiyak itong humingi ng tawad. Pinatawad siya ni Lubi, mula noon kinilala si Lubi sa kanilang lugar bilang bayani. 3. Bata pa lang tukso at pang-aalipusta na ang kanyang naririnig. Bukod pa rito ang pambabato ng ilang nanay sa tuwing lalapit siya sa mga sanggol upang laruin at batiin. Naghihinagpis man ang kanyang kalooban siya ay lalayo, kasalanan ba niyang ipanganak na maliit, pandak at unano. 4. Pero, bakit po ako lang?" ang sagot ni Janjalubi. "Sapagkat ikaw lang ang nagpakita ng busilak na kalooban sa kabila ng kanilang ginawa sa'yo hindi ka nagtanim ng galit" ang tugon ng mahiwagang tinig. 5. “Pero, mahal na Bathala marami pong inosenteng bata ang mamamatay wala po silang kasalanan." "Ako na lang po sana kung maaari ang mawala kaysa sa kanila tutal wala naman pong halaga ang buhay ko." Ang pagsusumamo ni Janjalubi sa mahiwagang tinig.
