Pag-aaralan natin ang pagkakaiba ng pang-uri sa pang-abay. Ngunit bago iyon, basahin mo muna ang talata na hango sa Bibliya. Nakilala ni Zaqueo si Jesus Naglalakad noon si Jesus patungong Jerico. May isang mayamang tao ang nais siyang makita. Siya ay si Zaqueo. Siya ay isang pandak na tao. Sobrang dami ng tao kaya't mabilis siyang umakyat sa puno upang madaling makita si Jesus. Nakita niya si Jesus at agad siyang pinababa sa puno. Maraming nagbulungan noon dahil si Zaqueo ay makasalanang tao. Pinatuloy niya si Jesus sa kaniyang tahanan. Sinabi niya kay Jesus na ibibigay niya sa mahihirap ang kalahati ng kaniyang kayamanan at kaniyang isasauli ng maka- apat na beses ang sinumang kaniyang nadaya. At sinabi ni Jesus na ang kaligtasan ay dumating sa kaniyang tahanan. Naunawaan mo ba ang iyong binasa. Sagutin mo ang mga tanong. 1. Sino si Zaqueo? 2. Ilarawan ang kaniyang katangian. 3. Bakit siya pinababa ni Jesus? 4. Kung ikaw si Jesus, tutuloy ka ba sa kaniyang bahay? Bakit?
