Mula pagkabata ay pangarap na ni Amalia ang maging isang manggagamot o dalubhasang doktor. Binigyan niya ng oras at dedikasyon ang kanyang pag-aaral, nagsumikap siya upang abutin ito at dahil na rin sa matibay na suporta ng kanyang pamilya ay nagawa nitong makatapos ng may karangalan.
Naging tanyag na doktor si Amalia dahil sa angkin nitong sipag at galing. Ang dami niyang laban na napagtagumpayan kasama ang mga katulad niyang doktor, mga nars at iba pang propesyon sa larangan ng medisina o panggagamot. Ngunit iba ang naging laban niya sa pandemyang kinakaharap ng bansa ngayon ang COVID 19. Kahit alam niyang nasa peligro na siya mas pinili niya pa ring gampananang kanyang sinumpaang tungkuli.
Upang mapangalagaan ang kalusugan at kaligtasan ng kanyang pamilya ay mas pinili nitong sa hospital na muna mamalagi. Ang dami niyang napaglingkuran at napagaling mula sa nasabing sakit. Noong siya ang dinapuan ng sakit na ito, pinipilit niya rin lumaban upang mapagpatuloy niya ang kanyang serbisyo sa mga higit na nangangailangan at upang makasama niyang muli ang mahal niyang pamilya. Sa kasamaang palad ay natalo siya ng sakit na COVID 19 at tuluyan ng namaalam. Marami ang nanghinayang sa kanyang pagkawala at marami din ang nagpapasalamat sa taos puso niyang serbisyo sa loob ng maraming taon.

Mga Tanong:
1. Ano ang nagtulak kay Amalia na ipagpatuloy ang kanyang serbisyo kahit alam niyang mapanganib ito?
2. Kung ikaw si Amalia, sino ang mas uunahin mo ang iyong pansariling kaligtasan o ang nakakarami? Panagtwiran ang iyong sagot.
3. Bilang kabataan, paano mo maipapakita ang iyong suporta sa mga manggagawa ngayonh panahon ng pandemya?