Answer:
Ang gampanin ng mga kababaihan sa Pilipinas (mga Pinay) ay ipinaliwanag ayon sa diwa ng kalinangang Pilipino, pamantayan, pananaw at kaisipan. Nilarawan ang Pilipinas bilang isang bansa ng mga matatatag na mga kababaihan, na tuwiran at hindi tuwirang nagpapatakbo sa mag-anak, negosyo, mga tanggapan ng pamahalaan at mga hasyenda. Bagaman pangkalahatang pinakakahuluganan nila ang kanilang mga sarili sa isang tagpuan sa Asya na napapangibabawan ng mga kalalakihan sa isang lipunang dumaan sa kolonyalismo at Katoliko, namumuhay ang mga Pilipinong kababaihan sa isang kulturang nakatuon ang pansin sa pamayanan, na ang mag-anak ang pangunahing bahagi ng lipunan. Dito sa balangkas na ito - na may kayariang pangkahanayan, pagkakaiba-ibang antas sa lipunan, kadahilanang makapananampalataya, at pamumuhay sa isang umuunlad na bansa ng mundo - nakikibaka ang mga kababaihang Pilipino. Kung ihahambing sa ibang mga bahagi ng Timog-silangang Asya, palagiang nakakatamasa ng mas malaking antas ng kapantayang makabatas ang mga kababaihang nasa lipunan ng Pilipinas.
Explanation:
Hope it helps
Answer:
Ang isang matatag na lipunan ay mula sa mga kababaihan kaya dapat lamang ma lahay ay matutunang ipaglaban ang kanilang karapatan at magsilbing inspirasyon ng sinuman. Dapat ilagay ang mga kababaihan sa pinakamataas na pedestal ng pagmamahal, paggalang, respeto at pagtanggap. Hindi maikakaila ang lakas ng kababaihan sa ngayon na nakikipagsabayan na sa lakas ng mga kalalakihan saan mang larangan.
Noong unang panahon ay walang anumang karapatan ang mga kababaihan, hindi itinuturing tao. Sinasabi na ang silbi lamang ng mga kababaihan noon ay tagapag-ayos ng bahay, tagapag-alaga ng anak, tagapag-silbi ng asawa. Walang karapatang bumoto pero ngayon makikita kung gaano kalaki na ang ipinag-iba ng mundo ng mga babae. Nakikipagsabayan saan mang larangan, sa paaralan, maging sa pagpapalakad ng mga tanggapin o paghawak ng isang mabigat na posisyon sa lipunan. Mas maraming kababaihan sa ngayon higit kailanman ang kinakailangang magtrabaho sa labas ng tahanan upang makatulong na matustusan ang kanilang pamilya o kaya’y nag-iisasng tumutustos sa kanilang pamilya. Kailangan ding pangalagaan ng isang kababaihan o ina ang emosyonal na kapakanan ng kaniyang mga anak. Gumaganap siya ng isang mahalagang papel upang tulungan ang anak na matutong umibig at magmahal – mga aral na maaaring kasinghalaga ng pagtugon sa pisikal na pangangailangan. Ang isa sa pinakadakilang kaloob na maibibigay ng mga kababaihan sa kanilang pamilya ay ang pagdamay.
Dahil dito makikita na patuloy ang pagpapalakas sa puwersa ng mga kababaihan na malaki din ang nagiging kontribusyon sa pag-unlad ng lipunan. Ang kakayahan ng kababaihan sa mga domestikong gampanin ang naging malaking ambag nito sa lipunan at sa kanilang sarili. Ito ang nagsilbing instrument nila upang mabigyan ng boses ang kanilang sarili at magkaroon ng parte sa lipunang ginagalawan.
Explanation:
Hope this help ._.
