Answer:
Bilang panimula ay aking isisipi ang nakasaad sa isang bahagi ng diumano’y liham ni Bonifacio para sa kanyang sinintang si Oryang: “Mali ka. Hindi kita nakasalubong upang sa dulo ng kalsada, ako ay liliko sa kanan at ikaw sa kaliwa.” Mahaba-haba ang liham na ito at marami pang pangungusap at parilalang tumatagos sa puso ang nakapaloob dito ngunit, sa kabuuan, iisa lamang ang nais nitong ipahiwatig: naniniwala si Bonifacio na higit sa hindi sinasadyang pagkakataon at pawang bugso ng damdamin lamang ang kanilang pagiging magkatuwang.
Explanation:
