Sagot :
Ang pangatnig ay isang bahagi ng pangungusap na ang layunin ay mag-ugnay ng mga salita o parirala. Maari rin itong mag-bukod ng kaisipan sa isang pangungusap. Ang pangatnig ay nakakatulong upang mas lalong luminaw ang kaisipan sa talata o pangungusap katulad ng pag-gamit ng mga pangatnig na: ngunit, upang, sakali, kapag, samantala, habang, dahil, at subalit.
Ito ang iilang pangungusap na may pangatnig na "subalit":
Siya ay isang mabuting anak, subalit hindi siya gaanong masipag na mag-aaral.
Matagal na niyang gustong mag-ipon ng pera, subalit mahilig rin siyang gumastos sa mga gamit na hindi niya kailangan.
Nais niya na maging isang magaling na mang-aawit, subalit hindi siya madalas nag-eensayo.
Siya ay nag-eehersisyo para pumayat, subalit hindi niya mapigilan na kumain ng marami.
Hindi niya makalimutan ang pag-lisan ng kanyang sinta, subalit nais na niyang makalimutan ito.
Narito ang iilan pang halimbawa ng mga pangungusap na may pangatnig na subalit: brainly.ph/question/12229
Ang pangatnig ay mayroon ding iba't ibang uri:
Pamukod
Ito ang pangatnig na gamit sa pag-bukod o pag-tatangi ng mga salita o kaisipan sa pangungusap. Halimbawa: o, man, maging.
Panubali
Ang Panubali ay naghahayag ng pag-aalinlangan. Halimbawa: kung, kapag, sakali.
Paninsay
Ito ay isang uri ng pangatnig na nag-sasalungat ng ideya o kaisipan sa isang pangungusap. Halimbawa: ngunit, dapatwat, subalit, kahit, samantala.
Pananhi
Ang uri ng pangatnig na ito ay nagbibigay ng dahilan sa isang kilos. Halimbawa: dahil, sapagkat, sanhi ng.
Panapos
Ang Panapos ay nagsisilbing paghayag ng nalalapit na pagtatapos ng isang pangungusap. Halimbawa: sa wakas.
Panlinaw
Ito ay ang uri ng pangatnig na ginagamit upang magpaliwanag o magbigay linaw sa isang idea o kaisipan. Halimbawa: kaya, kung gayon.
Panimbang
Ang pangatnig na ito ay ginagamit upang magbigay ng karagdagang impormasyon. Halimbawa: pati, saka, kaya. anupa't.
Pamanggit
Ang Pamanggit ay isang uri ng pangatnig na nagbabanggit o naghahayag ng iba. Halimbawa: raw, daw, di umano.
Panulad
Ang uri ng pangatnig na ito ay nagtutulad sa ibang pangyayari o bagay. Halimbawa: kung ano...siya rin, kung sino...siyang.