Ipinagdiriwang ng Barangay San Jose ang ikalimampung taon ng pagkatatag
ng kanilang lugar. Balitang-balita na may paligsahan sa pag-awit at dapat may kalahok
ang bawat purok na nasasakupan ng Barangay. Kinahapunan, pumunta ang
magkakapitbahay na Hazel, Cathy, at Janice para manood at sumuporta sa kanilang
pambato ng kanilang purok. Naghiyawan sila nang magsimula nang umawit ang
pambato ng kanilang purok at pumalakpak naman nang malakas ng matapos ito.
Nagbigay na ng komento ang bawat hurado. Isa sa mga hurado ay nagtapos ng
kursong Musika sa isang Unibersidad at isa ring mang-aawit ay nagsabing
“Magandang hapon sa iyo, nasiyahan ako sa ipinakita mong pag-awit. Bagaman nasa
11 taong gulang ka pa lang, nakita ko na pinaghandaan mo talaga ang araw na ito.”
Ngunit, mayroon akong mga puntong nais kong mabigyan mo ng pansin. Ito ang mga
suhestiyon ko sa iyo: Una, mas mabuti kung pumili ka ng awiting bagay sa iyong edad.
Pangalawa, paghusayan mo pa ang pagbigkas ng mga salita, at pangatlo,
paghusayan mo pang pakinggan ang melodiya ng awitin para hindi ka mawala sa
tono.” Pagkatapos na magsalita ang hurado ay nag-usap-usap ang magkakapitbahay.


Kung ikaw ay kasama nina Hazel, Cathy, at Janice, anong masasabi mo sa
suhestiyon ng hurado? May karapatan ba siyang magbigay ng mga
suhestiyon? Oo o Hindi? Bakit? Isulat sa papel ang iyong sagot.
______________________________________________________________
______________________________________________________________
______________________________________________________________
______________________________________________________________