Panuto: Basahin ng mabuti ang teksto na nasa ibaba at sagutan ang mga sumusunod na katanungan. Maaaring gamitin ang likod na bahagi upang isulat ang iyong kasagutan. Basura: Isang Malaking Problema Inihahanda na ni Kune ang mga basura tulad ng plastic, bote, garapa at mga lumang magasin at dyaryo galing sa kanilang bahay na ipagbibili niya kay Mang Pedring na magbobote. Napatigil siya nang matawag ang kanyang pansin ng isang Editoryal tungkol sa Basura ng Pilipino Star Ngayon, na ipinalabas noong Nobyember 19, 2000. Ito ang ilan sa kanyang nabasa: Problema ang basura sa Metro Manila ngayon at lalo pang magiging ga-bundok sa hinaharap kung hindi kikilos ang pamahalaan. Nagbabala ang Greenpeace, isang international campaign group, na lulubha ang problema sa basura sa Metro Manila kung hindi gagawa ng estratehiya ang pamahalaan tungkol dito. Isinusulong ng grupo ang paraan ng recycling at composting kaysa sa tradisyonal na "dump, bury, burn". Sa mga nakaraan naming editoryal, madalas naming sabihin na ang composting ay isang magandang paraan para malutas ang problema sa basura. Ang sapat lamang gawin ay katulungin ang Department of Agriculture upang maisulong ito at matiyak na makikinabang ang mga magsasaka. Matapos mabasa ang artiko, napaisip si Kune at tiningnang muli ang mga bagay na ipagbibili na sana niya. May ilan sa mga yun na maari pa nilang magamit sa ibang bagay. Dali-dali niyang ibinukod ang mga iyon at ibinalik sa loob ng kanilang bahay. Gr. 8 Bilang ng mga Salita: 204 Mga Tanong: 1. Ano ang pamagat ng tekstong inyong binasa? 2. Sinu-sino ang mga tauhan na nabanggit sa teksto? 3. Sino ang nagbabala tungkol sa lumulubhang problema sa basura? 4. Saang pahayagan nabasa ni Kune ang Editoryal? 5. Kailan nailathala ang Editoryal na nabasa ni Kune? 6. Bakit kaya magiging malaking problema ang basura sa Metro Manila kung di ito masusulusyunan? 7. Bakit kaya mas maganda ang composting at recycling kaysa sa dump, bury, burn bilang solusyon sa pagtatapon ng basura? 8. Sa paanong paraan mo kaya magagamit ang mga gulong ng sasakyan ibang paraan? 9. Magbigay ng mga bagay sa inyong bahay o dito sa ating silid-aralan na patapon na, pagkatapos ay umisip ng paraan kung paano pa ito maaaring pakinabangan upang di maitapon? 10. Nakita mong magsisiga ang iyong kaibigan sa kanilang bakuran, kabilang sa kanyang susunugin a plactic na bote Ano ang gagawin mo?